«Ընտրական համակարգեր» կենտրոն
նորություններ
Մամլո Հաղորդագրություն ՀՀ Նախագահի ընտրությունների վերաբերյալ
«ԸՆՏՐԱԿԱՆ ՀԱՄԱԿԱՐԳԵՐ ԿԵՆՏՐՈՆ» ՀԿ-ն ԴԻՏՈՐԴԱԿԱՆ ԱՌԱՔԵԼՈՒԹՅՈՒՆ ՄԱՍԻՆ
ԸՆԴՀԱՆՈՒՐ ՏԵՂԵԿՈՒԹՅՈՒՆՆԵՐ
2013թ-ի փետրվարի 18-ին կայացած Հայաստանի Հանրապետության Նախագահի ընտրութուններում «Ընտրական համակարգեր կենտրոն» ՀԿ-ն իրականացրել է դիտոդական առաքելություն՝ Գերմանիայի Դաշնային կառավարության համաֆինանսավորմամբ:
Մեր կազմակերպության` բացառապես երիտասարդներից կազմված փորձագիտական թիմը, որը պարբերաբար անցնում է վերապատրաստում, ինչպես նաև բարձրացնում է իր որակավորման մակարդակը՝ մասնակցելով տարբեր տեսակի քննարկումների և վերլուծությունների, հետևել է ընտրությունների քարոզարշավը, դիտարկել է ընտրական հանձնաժողովների գործունեությունը ընտրությունների նախապատրաստման փուլում, իսկ ընտրությունների օրը հավատարմագրված 60 դիտորդների միջոցով դիտարկել է ընտրությունների ընթացքը և քվեաթերթիկների հաշվարկը Երևանի թիվ 11-րդ ընտրատարածքի բոլոր՝ 37 ընտրատեղամասերում:
ԸՆԴՀԱՆՈՒՐ ԳՆԱՀԱՏԱԿԱՆՆԵՐ ՔԱՐՈԶԱՐՇԱՎԻ ԸՆԹԱՑՔԻ ՎԵՐԱԲԵՐՅԱԼ
Այս ընտրությունների քարոզարշավը ակնհայտորեն էականապես տարբերվում էր իր հավասարակշռվածությամբ, հանդարտությամբ, հավասարաչափ լուսաբանմամբ և թեկնածուների համար հավասար հնարավորությունների ապահովմամբ:
Միաժամանակ քարոզարշավի ընդհանուր դրական պատկերը խաթարվեց ՀՀ Նախագահի թեկնածու Պարույր Հայրիկյանի մահափորձից հետո, որի արդյունքում քարոզարշավի բովանդակությունը էականորեն շեղվեց վնասելով թեկնածուների և ընտրությունների՝ ծրագրային մոտեցումների վրա հիմնված ընթացքը:
Քարոզարշավի մյուս հիմնական թերությունը մնում էր այն, որ թեկնածուների միջև ուղիղ բանավեճ չկազմակերպվեց Մի կողմից գործող նախագահ, Նախագահի թեկնածու Սերժ Սարգսյանը չգնաց նման բանավեճերի, մյուս կողմից ընդդիմության թեկնածուները առանց գործող նախագահի մասնակցության հրաժարվեցին նման բանավեճերից միմյանց հետ: Այսպիսի Ուղիղ բանավեճերի չանցկացման պատճառը կիսում են բոլոր թեկնածուները:
Քարոզարշավի ընդհանուր պատկերը խաթարվեց նաև նրանով, որ որոշ թեկնածուներ մերժողական ու ժխտողական դիրքորոշում էին որդեգրել ընտրական ողջ գործընթացների նկատմամբ՝ խորացնելով ընտրությունների ընթացքի նկատմամբ հանրային անվստահությունը` ստեղծելով նիհիլիստական տրամադրությունը:
Այս ամենով հանդերձ պատասխանատու մարմինները, հիմնականում, օրենքով սահմնաված բոլոր պայմանները ստեղծել էին հավասար քարոզարշավ ապահովելու համար:
Ի տարբերություն նախորդ ընտրությունների՝ քարոզարշավի խոչընդոտման դեպքերը եզակի էին և պատկան մարմինների կողմից, հիմնականում, արագ և պատշաճ արձագանքվել են:
ԸՆՏՐՈՒԹՅՈՒՆՆԵՐԻ ԸՆԹԱՑՔԻ ՀԵՏ ԿԱՊՎԱԾ ԱՅԼ ԴԻՏԱՐԿՈՒՄՆԵՐ
Ի տարբերություն Հայաստանում տեղի ունեցած նախորդ ընտրությունների ակնառու էր ընտրությունների ընթացքում վարչական ռեսուրսները չօգտագործելու իշխանությունների ձգտումը
Այնուամենայնիվ այս ընտրություններում նույնպես (նախորդ ընտրությունների համեմատ քիչ) առկա էին վարչական ռեսուրսների չարաշահում: Ի տարբերություն նախորդ ընտրությունների` այս անգամ վարչական ռեսուրսները օգտագործվում էին հիմնականում ոչ բացահայտ ձևերով: Ավելի քիչ էին պետական և հանրային հաստատություններում ուղղակի քարոզչության դեպքերը, միաժամանակ այդ հաստատությունների աշխատակիցների զգալի մասը շարունակում էր ներգրավված մնալ իշխանության թեկնածուի օգտին աշխատանքներում:
Ընտրությունների նախապատրաստման ընթացքում ականատես դարձանք այս ընտրություններում ընտրակաշառքը բացառելու իշխանությունների դիրքորոշմանը: Սակայն քվեարկության օրվան նախորդող մի քանի օրվա ընթացքում և բուն քվեարկության օրը մեծ քանակի տեղեկատվություն սկսեց շրջանառվել ընտրակաշառքներ բաժանելու վերաբերյալ: Այդ մասին անհերքելի փաստեր տարածվեցին նաև լրտավամիջոցներով և սոցիալական ցանցերում: Ցավոք այն դեպքերի հետ կապված իրավապահ մարմինները պատշաճ չարձագանքեցին:
Ընտրական գործընթացների իրավական ապահովման առումով հարցեր առաջացան նաև ՀՀ Նախագահի թեկնածու Պարույր Հայրիկյանի դեմ մահափորձից հետո Սահմանադրական դատարան դիմելու և ընտրությունները հետաձգելու իրավական կարգավորումների վերաբերյալ: Ակնհայտորեն առկա է իրավական բաց, որն ազդում է նաև ընտրական գործընթացների վրա::
ՔՎԵԱՐԿՈՒԹՅ ՈՒՆՆԵՐԻ ՕՐՎԱ ԴԻՏԱՐԿՈՒՄ
Քվերակության օրը «Ընտրական համակարգեր կենտրոն» ՀԿ-ի դիտորդները դիտարկել էլ Երևան քաղաքի թիվ 11 ընտրատարածքի բոլոր տեղամասերը` դրանց մեծ մասում ունենալով ֆիքսված դիտորդներ` տեղամասերի բացումից մինչև քվեարկության ավարտը, իսկ մի քանիսը դիտորդություն են իրականացրել շրջիկ սկզբունքով:
Երևան քաղաքի 11-րդ ընտրատարածքի տեղաամասերում հիմնականում միջադեպեր տեղի չեն ունեցել:
Քվերակությունը անց է կացվել հանդարտ պայմաններում, սակայն միևնույն ժամանակ կային ընտրատեղամասեր որտեղ քվերակության ընթացքում տեղի են ունեցել խախտումներ: Մասնավորապես, բազմակի քվեարկությունների, տեղամասային կենտրոնում մեկ թեկնածուին սատարող մեկից ավելի վստահված անձանց միաժամանակյա ներկայություն, ինչպես նաև ընտանեկան և ընկերական քվեարկություններն ու կուտակումները:
Ընտրական համակարգեր կենտրոն ՀԿ-ն նախագահի ընտրությունների վերջնական հաշվետվությունը կներկայացնի ԿԸՀ-ին 10 օրվա ընթացքում:
Հարգելի դիտորդներ
Հարգելի մասնակիցներ
Տեղեկացնում ենք Ձեզ, որ Դուք հրավիրվում եք մասնակցելու Ընտրական համակարգեր կենտրոն ՀԿ-ի կողմից կազմակերպվող սեմինար-դասընթացին, որի ընթացքում Ձեզ կպարզաբանեն ընտրական րենսգրքի հետ կապված հարցերը և առ հասարակ ընտրական օրենսգիրքը, դասընթացից հետո Ձեզ կտրամադրվեն համապատասխան նյութերը և դուք կհրավիրվեք մասնակցելու ԿԸՀ-ի կողմից իրականացվող ատեստավորմանը
Դասընթացների ժամկետներին տեղեկանալու համար զանգահարեք 099462934 հեռ. համարին
ինչպես նաև հավանեք մեր Ֆեյսբուքյան էջը և նամակներ գրեք էջին՝
https://www.facebook.com/ElectoralSystemsCenter